நிலவின் நினைவு…

.கண்ணுக்குள் நிலவு..

நீலவான மேடையில்

நித்தம் ஓர் நாடகம்

நீர் அறியா ஓடையில்

ஓசையில்லா ஊர்வலம்!!

இருள் குடிக்கும் கருவிழியில்

இரு துண்டாய் உடைகையில்

விழி இரண்டும் குளமாகும்

நீந்தும் ஒளி நிலவாகும்!!!

நிலவே…

காரிருளில் கைவீசி

கண்ணிமையில் ஒளிவீசி

மேகத்திரை வருடி

மின்னல் ஒளி தாங்கி

நீ நடத்தும் நகர்வலம்

கலைஞனின் கற்பனை மொட்டவிழ்க்கும்

கவிகளின் சொற்களைத்

தொட்டவிழ்க்கும்!!!